Այսօր՝ 21 հոկտեմբերի 2019թ., 00:00

Նիկոլ Փաշինյանի կոչը. ի՞նչ է պետք հեղափոխությանը


 

1in.am-ը գրում է․

Հեղափոխության արժեքներին և տրամաբանությանը հավատարիմ մնալու մասին վարչապետ Փաշինյանի հայտարարությունը, որ հնչեց կառավարության փետրվարի 21-ի նիստում, անշուշտ, կարևոր հայտարարություն է և ողջունելի:

Միաժամանակ, սակայն, հայտարարությունը առաջացնում է նաև հարց՝ իսկ կառավարությունը հավատարիմ չէ՞, հեղափոխության տրամաբանության մեջ չէ՞, որ առաջացել է այդ մասին կառավարության նիստում հայտարարելու անհրաժեշտություն:

Ո՞վ էր վարչապետի հայտարարության հասցեատերը՝ կառավարության անդամներն ու գերատեսչությունների ղեկավարնե՞րը, թե՞ հանրությունը:

Այստեղ իրավիճակը նուրբ է, որովհետև, եթե հասցեատերը հանրությունն է, ապա հանրությանը այդպիսի հայտարարություններ պետք չենք, կամ ավելի ու ավելի քիչ են պետք գալու, և մարդիկ հեղափոխության արժեքներին հավատարմությունն ավելի ու ավելի շատ ուզում են տեսնել կառավարության և գերատեսչությունների աշխատանքի տեսքով, ոչ թե վարչապետի հայտարարությունների:

Վարչապետի հայտարարությունների առնչությամբ հանրությունն այս փուլում ուզում է տեսնել իհարկե, մի կողմից, ոգևորիչ մեսիջներ՝ ինչը Նիկոլ Փաշինյանի քաղաքական և հռետորական խարիզմայի առանցքային հատկանիշներից է, և նաև ռազմավարական ուղենիշներ, ինչը քաղաքական և պետական գործչի համար անհրաժեշտություն է՝ հատկապես պոստհեղափոխական իրավիճակներում:

Եթե հասցեատերը կառավարությունն է, պետական կառավարման համակարգը, ապա հազիվ թե հրապարակային մեսիջները և հռչակագրերը ունենան անհրաժեշտ էֆեկտը, և հեղափոխական արժեքների ու տրամաբանության վերաբերյալ, իհարկե, անհրաժեշտ հանձնարարականները կառավարման համակարգին պետք է հոսեն այսպես ասած՝ նույն կառավարման համակարգի օղակներով, կամ «պտտվեն» արյունատար համակարգի սկզբունքով:

Եթե դա չկա, հրապարակային հայտարարություններն էլ տեղ չեն հասնի հաստատ: Իսկ եթե դա կա, ապա չկա հրապարակային հայտարարությունների կարիք:

Սակայն, մյուս կողմից, այդ խնդիրները Նիկոլ Փաշինյանն անկասկած պատկերացնում է ամենից լավ, և կառավարության նիստում հայտարարությունները, թերևս, հենց դրա վկայություն են:

Դրանք հուշում են, որ վարչապետը զգում է հանրությանը ուղերձ հղելու կարիք՝ հեղափոխության արժեքները մոռացած չլինելու, դրանց առաջ հրապարակային պատասխանատվություն կրելու, գլխավոր պատասխանատուի կարգավիճակը մոռացած չլինելու մասին ուղերձի կարիք:

Նիկոլ Փաշինյանը հանրությանն այդպիսով ակնարկում է, որ ինքն էլ հասկանում է հանրային տարբեր շրջանակներում կառավարման համակարգի գործունեության արդյունավետության և հեղափոխական տրամաբանությանը համարժեք լինելու առնչությամբ հարցադրումների օբյեկտիվ հիմքերի առկայությունը:

Ասել կուզի, Փաշինյանը արձանագրում է, որ չի կտրվել իրականությունից և գիտակցում է, որ խնդիրը կա և այդ իսկ պատճառով բարձրաձայնում է կառավարության նիստում:

Եվ թերևս կբարձրաձայնի պարբերաբար, որովհետև խնդիրը կա, իսկ լուծման մեխանիզմները դեռևս չեն նշմարվում:

Սակայն, իր հերթին, վարչապետի բարձրաձայնումներն ավելի ու ավելի «ցածր» են լսվելու հանրության ականջին, որովհետև հանրությունը սկսում է դադարել սիրել ականջով, այլ անցնում է այն ռեժիմին, երբ սերն անցնում է «ստամոքսով»:

Սա ամենևին չի նշանակում, որ մարդիկ ստամոքսի համար են գնացել հեղափոխության, Ռոբերտ Քոչարյանի խոսքի հաստատումը չէ «սառնարանների դուռը գարնանը բացելու և դատարկություն տեսնելու» հետևանքի մասին:

Ստամոքսը տվյալ դեպքում կառավարության աշխատանքի նյութականացման, շոշափելիության ու չափելիության «հոմանիշն» է: Մեծ հաշվով անհրաժեշտ է անել կարևորագույն մի արձանագրում:

Մարդիկ կառավարությունից չեն ակնկալում լավ, կուշտ ու կուռ ապրել այսօր, այստեղ և հիմա: Մարդիկ ակնկալում են այսօրվանից տեսնել վաղը լավ ապրելու լրացուցիչ հնարավորությունների ձևավորման շոշափելի գործընթաց:

Եվ այս հանգամանքը մի պարզ օրինակով՝ Հարկային օրենսգրքի, որի փոփոխության նախագիծը փոքր ու միջին ձեռնարկատիրությամբ զբաղվողների մի ստվար շրջանակի մոտ ոչ միայն հեղափոխական տպավորություն չի թողել, այլ թողել է հակահեղափոխական տպավորություն:

Սա անշուշտ պատկերացնում է նաև վարչապետը, լայն իմաստով, ու դրա համար է հայտարարում հեղափոխությանը հավատարիմ մնալու, հեղափոխության տրամաբանության մեջ մնալու անհրաժեշտության մասին:

Բայց նաև հասկանալի է, որ վարչապետը չի կարող աշխատել պետական կառավարման համակարգի փոխարեն, նա գերմարդ չէ, և պետք էլ չէ, որ լինի՝ այդ համակարգը պետք է հանրությանը որպես համակարգ, ոչ թե մեկ գերմարդու ձեռքին եղած գործիքակազմ:

Եվ այստեղ թերևս հասնում ենք հիմնարար մի կետի. պետական համակարգը չպետք է դառնա գործիք գերվարչապետի համար, այլ վարչապետը պետք է դառնա հանրության գործիքը պետական համակարգից հենց համակարգային էֆեկտ ստանալու համար:

Բայց սա էլ իր հերթին պահանջում է հանրային ինքնակազմակերպման մակարդակի բարձրացում, որպեսզի պետական համակարգը իր այս պահին խառնածին տրամաբանությամբ զգա, որ հանրությունն ավելի կազմակերպված է, քան ինքը, և վարչապետը մենակ չէ այդ համակարգի հետ հարաբերությունում:

Загрузка...
Քիմ Քարդաշյանի նոր անակնկալը՝ երևանցիներին Իննա Խոջամիրյանը հանդիպում է Զիրոյանի հե՞տ․ հետևորդները շոկի մեջ են․ (Ֆոտո) Քարդաշյանն անվանական կոնյակի և գինու լուսանկարն է հրապարակել Թե ինչպես գյումրեցի տղան փրկեց Քիմ Քարդաշյանի կյանքը Քիմ Քարդաշյանի կնքահայրը ուշագրավ մանրամասներ է ներկայացրել Քիմ Քարդաշյանի և Արմեն Սարգսյանի հանդիպումը Սերժ Թանկյանն առաջ անցավ Քիմից․ Լավ նորություն Քիմ Քարդաշյանը բնակարան է գնել Երևանում․ (լուսանկարներ) Քիմ Քարդաշյանը ցանկություն է հայտնել՝ Քոչարյանին հանդիպելու՞ Նազենին անհաջող կերպով նմանակել է Քարդաշյանին` «առանց կրծկալ» զգեստ հագնելով. (Ֆոտո) Ա՜յ եթե հետույքը լիներ Քարդաշյանի պես, ես հաստատ կասեի՝ ովա դասալիք պաշտոնյան Քիմ Քարդաշյանը ժամանեց Երևան․ տեսանյութ Ինչու է ուշանում Քիմ Քարդաշյանը «Անհամբեր Նիկոլին եմ սպասում, որ տեսնեմ ու ասեմ․․․» Քիմ Քարդաշյանը անակնկալը՝ մեր գեղեցկադեմ մոդելին «Հայելի» մամուլի ակումբի ղեկավարի արձագանքը Լուկաշենկոյի սենսացիոն խոստովանությունը Ո՞վ է հայտնի դարձած գեղեցկուհի մոդելի՝ ընտրյալը․ (Ֆոտո) Ում զենքով է Հայկ Հարությունյանը խփել իրեն․ նոր մանրամասներ Թրամփի ուշագրավ անդրադարձը Փաշինյանի ԱՄՆ-ի ելույթին Առաջին կադրերը՝ Ծառուկյանի դստեր պասակադրությունից․ (տեսանյութ) Նիկոլ Փաշինյանի խոսքը՝ Գագիկ Խաչատրյանի մասին․ (տեսանյութ) «Սաղդ ղուրբան լինեք Պզոյին»․ «Օրենքով գող» Պզոյի թինապահը հայհոյում է ոստիկաններին.(Video) Երեխայի մկրտությունն ավարտվել է իսկական սկանդալով. քահանայի դեմ քրեական գործ է հարուցվել (Video) Աղջիկը դուրս է եկել ընթացքի մեջ գտնվող ավտոբուսից և տեսեք թե ինչ է եղել հետո. (տեսանյութ) «Փաշինյան մի ասի, այլ թուրք ասա, թուրք ա ինքը». իջևանցի ցուցարար. (Video) Տեսահոլովակ՝ նվիրված Սեյրան Օհանյանին և նրա կնոջը Սերժ Սարգսյանը Բադեն-Բադենում՝ դեղին լողազգեստով Մի անգամ էլ ձեզ էստեղ տեսա էս փնթիանոցը սարքած, տեսեք ինչպես ենք վարվելու ձեզ հետ․ Կենտրոնի թաղապետ. (Տեսանյութ) «Չեք հավատա, բայց սա Սևանն է». օգտատերերն ահազանգում են. (տեսանյութ)

Яндекс.Метрика
website by Sargssyan