Այսօր՝ 03 ապրիլի 2020թ., 00:00

Ռուբեն Հայրապետյանի վերջին հարվածը․ Վանեցյանի համար անսպասելի էր, բայց․․․


1in.am-ը գրում է․

 

Ռուբեն Հայրապետյանն այլևս Հայաստանի ֆուտբոլի ֆեդերացիայի նախագահը չէ: 17-րդ արտահերթ համաժողովի ժամանակ ֆեդերացիայի նախագահի պաշտոնին ընտրվեց ԱԱԾ տնօրեն Արթուր Վանեցյանը:

Ընտրություններից մեկ օր առաջ հրաժարականի դիմում էր ներկայացրել մեր ազգային հավաքականի գլխավոր մարզիչ Վարդան Մինասյանը:

Վերջինիս նման քայլը բավական ծանր դրության մեջ է գցել Հայաստանի գլխավոր թիմին: Ռուբեն Հայրապետյանը համաժողովին չէր ներկայացել, ինչը կարելի է բոյկոտ համարել:

Նշենք, որ Մինասյանի հրաժարականն երեկ ընդունվել էր հենց Հայրապետյանի կողմից:

«Հավաքականի գլխավոր մարզիչ Վարդան Մինասյանի հրաժարականն անսպասելի էր: Միմյանց հետ չենք զրուցել:

Մեկ անգամ հանդիպել ենք, և չէի սպասում, որ նա պետք է հրաժարական տա: Հաշվի առնելով այն, որ հրաժարականը եղավ անսպասելի` մենք հիմա շատ ակտիվ կերպով զբաղված ենք նոր գլխավոր մարզչի փնտրտուքներով:

Արդեն գիշերվանից աշխատանքներն ակտիվորեն տարվում են: Ունենք մի քանի թեկնածու, որոնց անունները չեմ տա, բայց կասեմ, որ քննարկվում են տարբերակներ տեղից, և` արտերկրից:

Առաջիկա երկու-երեք օրվա ընթացքում կներկայացվի Հայաստանի հավաքականի նոր գլխավոր մարզչի թեկնածուն», -լրագողների հետ հանդիպմանն ասաց Վանեցյանը:

Փաստորեն, Մինասյանի հրաժարականն ընդունելով և համաժողովին չներկայանալով Ռուբեն Հայրապետյանը կրկին անգամ ցույց տվեց իր վերաբերմունքը հայկական ֆուտբոլի հանդեպ:

Այո, հնարավոր է Մինասյանը չի ցանկացել աշխատել ՀՖՖ-ի նոր ղեկավարության հետ բայց, հայկական ֆուտբոլով մտահոգ յուրաքանչյուր ղեկավար պետք է գոնե փորձեր կանխեր ճգնաժամային իրավիճակը: Հայրապետյանը կարող էր չընդունել Մինասյանի հրաժարական, կամ գոնե խնդրի վերջնական լուծման վերաբերյալ որոշումը թույլ տար կայացնել ՀՖՖ-ի նոր նախագահին: Հայաստանի հավաքականը ծանր իրավիճակում է և հաջորդ հանդիպումն անց է կացնելու արդեն հոկտեմբերի 13-ին:

3 շաբաթվա ընթացքում նորմալ գլխավոր մարզիչ գտնելն իսկապես բարդ խնդիր է:

Հավաքականն անտեր թողնելու այս քայլը կարծես թե հաստատում է այն կարծիքը, որ Ազգերի լիգայի խաղարկության Մակեդոնիա-Հայաստան խաղում տեղի է ունեցել սաբոտաժ: Տարօրինակ՝ անփառունակ ելույթ, մարզչի հրաժարական․․․:

Վստահ ենք, որ Մինասյանը Հայաստանի ազգային հավաքականից հեռանալու որոշում կայացրել էր արդեն իսկ Մակեդոնիայի հավաքականի հանդիպումից հետո: Ինչո՞ւ այդ մասին հայտարարվեց ՀՖՖ-ի նախագահի ընտրություններից ընդամենը մեկ օր առաջ: Չարաբաստիկ հանդիպումը տեղի էր ունեցել սեպտեմբերի 9-ին:

Խաղից հետո հրաժարականի մասին հայտարելով Մինասյանը ՀՖՖ-ի նոր ղեկավարներին հնարավորություն կտար ավելի վաղ սկսել ոչ ֆորմալ բանակացությունները գլխավոր մարզչի թեկնածուների հետ: «Նախ ասեմ, որ Մակեդոնիան մեզ ոչնչով չզարմացրեց:

Առաջին խաղակեսում գոլ ընդունեցինք, որը տրամաբանական չէր, քանի որ մեր դարպասին ոչ մի վտանգ չկար: Ուղղակի նվեր տվեցինք:

Բացի այդ, մենք մտածված գնդակը հանձնել էինք Մակեդոնիային և առաջին խաղակեսի համար մշակված մարտավարությունն աշխատում էր: Երկրորդ խաղակեսում մենք փոխեցինք մարտավարությունը, պետք է գոլ խփեինք, բայց չստացվեց:

Իսկ արդյունքը որոշվում է գոլերով, պետք է գրավել մրցակցի դարպասը: Մակեդոնիան երկուս ու կես պահ ուներ, որից երկուսն օգտագործեց: Բոլոր դեպքերում, շնորհավորում եմ Մակեդոնիայի հավաքականին:Ես երեկ ասեցի, որ Լիխտենշտեյնի հետ խաղում ութ 100%-ոց պահ ենք ստեղծել:

Այս խաղում էլ, ինչպես տեսաք, կրկին չօգտագործեցինք մեր պահերը:

Բայց, ես ասել էի, որ հուսով եմ, որ խմբի բոլոր չորս թիմերը միմյանց համար դժվարություններ կստեղծեն:

Ամեն ինչ դեռ առջևում է»,- Մակեդոնիայի հետ հանդիպումից հետո ասել էր Վարդան Մինասյանը: Վերջինիս խոսքերից դժվար է ենթադրել, որ մոտակա օրերին հաջորդելու է հրաժարականի դիմումը:

Դրա մասին վկայում է նաև Վանեցյանի այսօրվա հայտարարությունը: Նշենք նաև, որ Մինասյանը իր հրաժարականի մասին հայտարարությունում չի մատնանշել պատճառները:

Ինչևէ, հեռանալով ՀՖՖ-ի նախագահի պաշտոնից Ռուբեն Հայարպետյանը վերջին հարվածը հասցրեց հայկական ֆուտբոլին:

Շնորհավորելով Արթուր Վանեցյանին մնում է միայն հուսալ, որ նա ծանր իրավիճակում այնուամենայնիվ կկարողանա ճիշտ որոշում կայացնել և կարճ ժամանակահատվածում վերակենդանացել թե Հայաստանի ազգային հավաքականը և թե մեր ֆուտբոլը:

Загрузка...
18 օր կարանտինում գտնվող մեր հայրենակիցը պատմում է Իսպանիայից Վլադիմիր Պուտինը սերտ շփում է ունեցել կորոնավիրուսով վարակակրի հետ Արսեն Թորոսյանը հրաշալի լուր հայտնեց Կորոնավիրուսը հաղթահարած Օլգա Կուրիլենկոն պատասխանել է հիվանդության մասին հարցերին Կորոնավիրուսը չի փոխանցվում օդով. ԱՀԿ «Մնաս բարով, տատ ջան․ Կներես, որ սպասնեցի քեզ»․ Հուզիչ պատմություն Նախարարությունը՝ փողոց դուրս գալու նոր կանոններ է սահմանել Տանը ո՞ր մակերեսների վրա են կուտակվում ավելի մեծ քանակությամբ վիրուսներ 7 և բակտերիաներ Վարչապետը դիմեց ժողովրդին․ Նոր հայտարարություն Արսեն Թորոսյանը հայտարարությամբ հանդես եկավ «Ասացին գրառումս խուճապածին է, պետք է ջնջեմ»․ Արտավազդ Սահակյան Էդուարդ Շարմազանովն ինքնամեկուսացվել է Վարակը չի ապրի. COVID-19-ը կարող է նվազել մարտի վերջից ԱՀԿ գլխավոր տնօրենը առողջ կենսակերպի խորհուրդներ է հրապարակել տանը մնացողների համար Ցավոք սրտի, այդպես էլ չկարողացա շնորհակալություն հայտնել․ Հուզիչ պատմություն` բուժաշխատողի ու մեր բոլորի մասին Եվս մի երիտասարդ աղջիկ հրաժարվում է վերցնել Փաշինյանի տված բուկլետն ու Շուշանի նվիրած ծաղիկը․ (Video) Իմ մահվան համար աղոթող բոլոր կանանց Երևանում շտապօգնության աշխատակիցներն իրանական համարանիշներով բեռնատարից իջեցնում են վարորդին և դիմակ հագցնելով՝ հավանաբար տեղափոխում հիվանդանոց. shamshyan.com Ի՞նչ պատահեց Մերկել-Փաշինյան հանդիպման ժամանակ, երբ հանկարծ խափանվեցին «թարգմանիչ» սարքերը. (Տեսանյութ) Քիմ Քարդաշյանը խոսել է նոր հանրահավաքի մասին Երևանում փորձել են 7-ամյա աղջկա առեւանգել. կասկածյալի ինքնությունը հայտնի է․ (տեսանյութ) ՏԵՍԱՆՅՈՒԹ. Ինչ կյանքով է ապրում Դոն Պիպոն Մանվել Գրիգորյանի «գահընկեց» լինելուց հետո Արցախի «էլիտար» զորամասը․ ԲԱՑԱՀԱՅՏՈՒՄ Կնոջ նամակի իրական պատմությունը Արցախի «էլիտար» զորամասը, բարձրաստիճան պաշտոնյաների որդիներն ու «ինքնասպանության» դեպքերը ԱՅՍ ԹՌԻՉՔԻ ՀԱՄԱՐ ՀՀ 5 ՈՒՂԵՒՈՐ Է ԵՂԵԼ, ՈՐՈՆՑ ԵՒՍ ՉԵՆ ԹՈՂԵԼ. (ՏԵՍԱՆՅՈՒԹ) Ինչ է պատմում Արթուր ուսոցչուհին Սոնա Շահգելդյանը հոսպիտալացվել է Նիկոլ Փաշինյանի «պատասխանը»՝ Լևոն Քոչարյանին Փաշինյանը նույնիսկ ծաղկեպսակ չէր ուղարկել

Яндекс.Метрика
website by Sargssyan